გიორგი გახარია - ვუყურე, როგორ ამბობს მოსამართლე, რომ თურმე 2012 წლამდე დამოუკიდებელი და თავისუფალი სასამართლო გვქონდა და ეს ხალხი დღეს თავიდან არის წარდგენილი მუდმივ მოსამართლეებად, ეს კატასტროფაა2021-07-10 19:06:59

ინდოეთის საგარეო საქმეთა მინისტრი - ქეთევან დედოფლის წმინდა ნაწილებს ვინახავდით, როგორც საკუთარს, ამაყი ვარ, რომ პატივს ვცემთ ტრადიციებს და რწმენას2021-07-10 19:03:23

კელი დეგნანი - დარწმუნებული ვარ, საქართველოს მოსახლეობის უმრავლესობას არ სურს ძალადობა, 5 ივლისი იყო იმედგაცრუების დღე საქართველოსთვის2021-07-10 18:53:48

გიორგი გახარია - სამი წლის განმავლობაში რაღაცნაირად ვახერხებდი, რომ გამოხატვის თავისუფლებაც დაცული იყო ქვეყანაში და ჟურნალისტების ჯანმრთელობა მასობრივად საფრთხის ქვეშ არ მდგარა2021-07-10 18:50:33

სალომე ზურაბიშვილმა სუბრაჰმანიამ ჯაიშანკართან დიპლომატიური ურთიერთობების 30 წლისთავთან დაკავშირებით საქართველოსა და ინდოეთის კვირეულის გამართვის საკითხი განიხილა2021-07-10 18:45:24

სერჟ სარქისიანი - სომხეთ-საქართველოს ურთიერთობები უნდა განვავითაროთ

მსოფლიოში გასული კვირის განმავლობაში კორონავირუსით ინფიცირების ახალი შემთხვევების რაოდენობა 2.6 მილიონით გაიზარდა

აზერბაიჯანში „კოვიდ-19“-ის 75 ახალი შემთხვევა გამოვლინდა

16.10.2020

15:33

გიორგი გახარია - არ იქნება მარტივი, მაგრამ როგორც ერთად გავუმკლავდით პირველ ტალღას, ასე უნდა დავირაზმოთ და ერთიანობით გავუმკლავდეთ მეორე ტალღასაც

„ჩვენ უკან არ ვიყურებით, ჩვენთვის მთავარია ის გეგმა, რომელიც უნდა განვახორციელოთ მომავალი 4 წლის განმავლობაში. ჩვენი ბავშვები, ჩვენი ხანდაზმულები, ექიმები, მასწავლებლები, პოლიციელები, ჯარისკაცები, ეს ის ხალხია, ვისზეც სახელმწიფო დგას და რომელთა შრომითაც ამ ქვეყნის ხვალინდელი დღე უნდა იყოს წარმატებული, ამიტომ ყველაფერი ეს უნდა გავაკეთოთ ერთად, - ამის შესახებ საქართველოს პრემიერ-მინისტრმა გიორგი გახარიამ, ჩოხატაურში, ოზურგეთის, ლანჩხუთისა და ჩოხატაურის მაჟორიტარი დეპუტატობის კანდიდატის ვასილ ჩიგოგიძის წარდგენაზე განაცხადა.

პრემიერის თქმით, საქართველოს მთავრობას მომავალი 4 წლისთვის აქვს კონკრეტული გეგმა, თუ სად, რომელ სოფელსა თუ ქალაქში რა არის გასაკეთებელი.

„მოგესალმებით, ჩვენო გურულებო! დიდი პატივია დღეს თქვენთან ერთად აქ ყოფნა, ამ მყუდრო და თბილ გარემოში, ჩვენი ქვეყნისა და გურიის ხვალინდელ დღეზე საუბარი. ჩვენ უკან არ ვიყურებით, ჩვენთვის მთავარია ის გეგმა, რომელიც უნდა განვახორციელოთ მომავალი 4 წლის განმავლობაში. ჩვენი ბავშვები, ჩვენი ხანდაზმულები, ექიმები, მასწავლებლები, პოლიციელები, ჯარისკაცები, ეს ის ხალხია, ვისზეც სახელმწიფო დგას და რომელთა შრომითაც ამ ქვეყნის ხვალინდელი დღე უნდა იყოს წარმატებული, ამიტომ ყველაფერი ეს უნდა გავაკეთოთ ერთად. საქართველოს მთავრობას მომავალი 4 წლისთვის აქვს კონკრეტული გეგმა, თუ სად, რომელ სოფელსა თუ ქალაქში რა არის გასაკეთებელი. მიუხედავად იმისა, რომ ყველანი ვხედავთ, ბოლო წლების განმავლობაში რამდენად განვითარდა სისტემური ინფრასტრუქტურა, გზები, გაზმომარაგება, წყალი, მაინც ისეთ საკითხებში, როგორიც არის წყალმომარაგება, სასმელი და საირიგაციო წყალი, ძალიან ბევრია გასაკეთებელი. ეს ყველაფერი ჩვენ გეგმის მიხედვით, ნაბიჯ-ნაბიჯ უნდა გავაკეთოთ, რომ ქვეყანა მოვიყვანოთ წესრიგში, ისე როგორც ნორმალურ, კომფორტულ გარემოში ცხოვრობენ ევროპაში. ეს ყველაზე მნიშვნელოვანია იმისთვის, რომ ჩვენს ახალგაზრდებს არ უნდა უწევდეთ სადმე წასვლა, არ უნდა იყოს დიდი სხვაობა, სად ცხოვრობს ადამიანი - ლანჩხუთში, ოზურგეთში, ჩოხატაურსა თუ თბილისში, მას ყველგან უნდა ჰქონდეს თანაბარი შესაძლებლობები და ამისთვის ჩვენ ყველაფერი უნდა გავაკეთოთ“, -  აღნიშნა მთავრობის მეთაურმა.

გიორგი გახარიამ ხაზი გაუსვა, რომ მიუხედავად იმ აშკარა პროგრესისა, რომელიც სისტემურ ინფრასტრუქტურაშია, საქართველოს მთავრობა გეგმავს, მომავალი 4 წლის განმავლობაში მინიმუმ 20 მილიარდი ლარის ინვესტირებას ინფრასტრუქტურის გასაუმჯობესებლად.

„ძირითადად ეს იქნება წყალი, გაზმომარაგება, საირიგაციო, სარწყავი წყლები, გზები და ა.შ. ყველას კარგად უნდა გვესმოდეს, რომ ეს ყველაფერი უნდა გავაკეთოთ იმისთვის, რომ ჩვენი შვილები, ჩვენი ახალი თაობა ნორმალურ, კომფორტულ და რაც მთავარია ისეთ გარემოში იღებდნენ განათლებას, რომ მათ შეეძლოთ სხვა ქვეყნების წარმომადგენლებისთვის სერიოზული კონკურენციის გაწევა. დღეს, სამწუხაროდ, ყველას პირბადე გვიკეთია და ეს არ ხდება მხოლოდ საქართველოში, ეს ხდება მთელს მსოფლიოში. როგორც დღეს ეპიდემია არის გლობალური, კონკურენციაც იქნება გლობალური და ჩვენს შვილებს მოუწევთ დიდი და სისტემური ქვეყნების შვილებთან კონკურენცია. ამიტომ, განათლება, ჯანდაცვა, რომელმაც უნდა იზრუნოს ჩვენს ღვაწლმოსილ მოხუცებზე, მნიშვნელოვანია“, -  აღნიშნა პრემიერ-მინისტრმა.

მთავრობის მეთაურმა პანდემიის პერიოდში არსებულ გამოწვევებზე გაამახვილა ყურადღება და ხაზი გაუსვა, რომ ბოლო დღეების განმავლობაში ინფიცირების ახალი შემთხვევების რეკორდული მაჩვენებელია. 

„ყველას კარგად გვესმის, რომ წელს ჩვენ გვიწევს გამოწვევებით სავსე პერიოდში ცხოვრება, რა თქმა უნდა, ვგულისხმობ პანდემიას. რამდენადაც გასაკვირი და რთულად დასაჯერებელი არ უნდა იყოს, ბოლო დღეების განმავლობაში ინფიცირების ახალი შემთხვევების რეკორდული მაჩვენებელია. მაგალითად, გუშინწინ მსოფლიოში დაინფიცირდა 380 000 ადამიანი. არ მინდა ვირუსის სიმძიმეზე საუბარი, რადგან როგორც ჩვენ ერთად გავუმკლავდით პირველ ტალღას, ასე უნდა დავირაზმოთ და ერთიანობით გავუმკლავდეთ მეორე ტალღასაც. ეს არ იქნება მარტივი. ვერავინ დაგპირდებათ და ტყუილი იქნება, თუ ვინმე დაგპირდებათ, რომ ვირუსი ერთ დღეში გაქრება, ან ცალკე აღებული საქართველო შეძლებს ამ გამოწვევის და კრიზისის დამარცხებას. რა თქმა უნდა, ვერ შეძლებს, მაგრამ ჩვენ უნდა მივაღწიოთ ამას ერთად, შრომით, ელემენტარული წესების დაცვით. რაც არ უნდა უჩვეულო იყოს, პირბადე უნდა ვატაროთ და დისტანციაც უნდა დავიცვათ მხოლოდ და მხოლოდ იმისთვის, რომ დავიცვათ პირველ რიგში ჩვენი ხანდაზმულები და მოხუცები და იმისთვის, რომ ეკონომიკური კრიზისი არ გაღრმავდეს ისე, რომ შემდგომ ამ კრიზისიდან გამოსვლისთვის ბევრი დრო დაგვჭირდეს. უნდა დავიცვათ თითოეული სამუშაო ადგილი, რომელიც ძვირფასია ამ კუთხისთვისაც და მთელი ქვეყნისთვისაც“, - განაცხადა გიორგი გახარიამ.

პრემიერ-მინისტრმა არჩევნებზე საუბრისას აღნიშნა, რომ მთავარია სამართლიანი და ღირსეული გამარჯვება 31 ოქტომბერს.

„მე ერთ რამეს შემიძლია დაგპირდეთ, რომ  ჩვენი ყურადღების ცენტრი ყოველთვის იქნება ადამიანი. ადამიანზე ზრუნვა ყოველთვის იყო ჩვენი პრიორიტეტი და ეს იქნება ყველაზე მნიშვნელოვანი, რითიც ჩვენ გავაგრძელებთ ამ პანდემიასთან ბრძოლასაც და რა თქმა უნდა, შემდგომი 4 წლის განმავლობაში მუშაობას, მაგრამ ეს ყველაფერი ჩვენ უნდა გავაკეთოთ ერთად. ამისთვის ჩვენ გვჭირდება სამართლიანი და ღირსეული გამარჯვება 31 ოქტომბერს. დღეს, ჩვენ, ისეთი მხარდაჭერა გვაქვს ჩვენი მოქალაქეების, რომელსაც ვგრძნობთ, რომ ყველაზე დიდი გამოწვევა გახლავთ ის, რომ ეს გამარჯვება არ დავაყენოთ რისკის ქვეშ. ნებისმიერ პროვოკაციას უნდა გავუძლოთ ღირსეულად და ყველაფერი უნდა გავაკეთოთ იმისთვის, რომ მშვიდ გარემოში, ღირსეულად, სამართლიან ბრძოლაში გავიმარჯვოთ. გამარჯვებას გისურვებთ!“, -  აღნიშნა მთავრობის მეთაურმა.

წყარო / სტატიის ავტორი

newstimes.ge

სხვა სიახლეები

10.07.2021

18:53

კელი დეგნანი - დარწმუნებული ვარ, საქართველოს მოსახლეობის უმრავლესობას არ სურს ძალადობა, 5 ივლისი იყო იმედგაცრუების დღე საქართველოსთვის

აშშ-მა რთული სამუშაო შეასრულა საქართველოს სამართალდამცავ სტრუქტურებთან ერთად, რათა გაეუმჯობესებინა მათი უნარები აქციების მართვაში, ამიტომ იმედგაცრუებული დავრჩით, რადგან ტრენინგი და აღჭურვილობა არ იყო გამოყენებული, როდესაც ცხადი გახდა, რომ ხალხის მასაში იყვნენ ადამიანები, ვისაც ძალადობა სურდა, – ამის...

10.07.2021

18:40

საქართველოში „ასტრაზენეკას“ ვაქცინის კიდევ 43 200 დოზა ჩამოვიდა

შვედურ-ბრიტანული კომპანიის მიერ წარმოებული, COVID-19-ის საწინააღმდეგო ვაქცინის „ასტრაზენეკას“ 43 200 დოზა თბილისის საერთაშორისო აეროპორტში დღეს დილით ჩამოვიდა. ამის შესახებ ინფორმაციას საქართველოს ჯანდაცვის სამინისტრო ავრცელებს....

10.07.2021

17:07

საზოგადოებრივი ორგანიზაცია „აისის“ საბაზისო სამხედრო და სალაშქრო კურსი დასრულდა

საზოგადოებრივი ორგანიზაცია „აისის“ საბაზისო სამხედრო და სალაშქრო კურსი 60- მდე კურსანტმა წარმატებით დაასრულა. კურსის დახურვის ცერემონია დიდგორის ველზე გაიმართა....

06.07.2021

19:09

ვაჟა სირაძე აცხადებს, რომ პარლამენტის შენობის მიმდებარე ტერიტორიიდან ოთხი პირი გაიყვანეს

საპატრულო პოლიციის დეპარტამენტის უფროსი ვაჟა სირაძე აცხადებს, რომ პარლამენტის შენობის მიმდებარე ტერიტორიიდან ამ დროისთვის ოთხი პირი გაიყვანეს. ...

06.07.2021

19:04

კომუნიკაციების კომისია - ჟურნალისტებზე ძალადობა მიუღებელი და დაუშვებელია

კომუნიკაციების კომისიისთვის მიუღებელია 5 ივნისს მედიის წარმომადგენლებზე მომხდარი ძალადობისა და თავდასხმის ფაქტები, რა დროსაც 50-ზე მეტმა ჟურნალისტმა, ოპერატორმა და ფოტოგრაფმა მიიღო სხეულის მძიმე დაზიანებები, – ამის შესახებ განცხადებას კომუნიკაციების კომისია ავრცელებს....

06.07.2021

19:01

თავდაცვის ძალების გენერალური შტაბის განახლებულ ფოიეში გენერალ მაზნიაშვილის ბიუსტი გაიხსნა

საქართველოს თავდაცვის მინისტრმა ჯუანშერ ბურჭულაძემ და თავდაცვის ძალების მეთაურმა, გენერალ-მაიორმა გიორგი მათიაშვილმა გენერალ გიორგი მაზნიაშვილის ბიუსტი საზეიმოდ გახსნეს. ...

06.07.2021

18:58

თამარ გაბუნია აცხადებს, რომ საქართველოში ე.წ. ინდური შტამის 52 შემთხვევაა დადასტურებული

საქართველოს ჯანდაცვის მინისტრის მოადგილის, თამარ გაბუნიას განცხადებით, ამ დროისთვის ქვეყანაში ე.წ. ინდური შტამის სულ 52 შემთხვევა არის დადასტურებული, ხუთ საეჭვო შემთხვევაზე კი კვლევა მიმდინარეობს. ...

06.07.2021

18:55

შსს - ვაფრთხილებთ რუსთაველზე ორივე აქციის ორგანიზატორებს, არ დაუშვან ძალადობისკენ მოწოდებები და უზრუნველყონ, რომ აქციებმა არ მიიღოს ძალადობრივი ხასიათი

ვაფრთხილებთ რუსთაველზე ორივე აქციის ორგანიზატორებს, არ დაუშვან ძალადობისკენ მოწოდებები და უზრუნველყონ, რომ აქციებმა არ მიიღოს ძალადობრივი ხასიათი, – ამის შესახებ აღნიშნულია შინაგან საქმეთა სამინისტროს განცხადებაში. ...

06.07.2021

18:48

იუსტიციის მინისტრმა პირველი მოადგილის პოსტზე თამარ ტყეშელაშვილი წარადგინა

თამარ ტყეშელაშვილი იუსტიციის სამინისტროში სახელმწიფო სერვისების განვითარების სააგენტოს, საჯარო რეესტრის ეროვნული სააგენტოსა და საქართველოს ნოტარიუსთა პალატის საქმიანობას უხელმძღვანელებს....

24.06.2021

15:07

დაავადებათა კონტროლის ცენტრში კიდევ ერთხელ განმარტავენ, რომ მოქალაქეებს, რომლებსაც დაგეგმილი ჰქონდათ „ასტრაზენაკას“ ვაქცინით აცრები, ვაქცინაციის შესაძლებლობა ახლო მომავალში მიეცემათ

„ასტრაზენეკას“ დოზების მოწოდებაზე შექმნილ შეფერხებასთან დაკავშირებით დაავადებათა კონტროლის ეროვნული ცენტრი განცხადებას ავრცელებს....