მამუკა მდინარაძე NDI-ის კვლევებს უნდობლობას უცხადებს2019-05-21 19:46:55

ლადო კახაძე მთაწმინდის ამომრჩეველს მიმართავს2019-05-21 19:40:29

ჭიათურის წყალმომარაგების სისტემის რეაბილიტაცია წელს დასრულდება2019-05-21 19:32:17

ირაკლი ლექვინაძე: უკვე შეგვიძლია ბიზნესის ინტერესები საერთო სასამართლოებში მიმდინარე დავებშიც დავიცვათ2019-05-21 19:03:26

შინაგან საქმეთა მინისტრის მოადგილე ნათია მეზვრიშვილი გერმანიის მიგრაციისა და ლტოლვილთა ფედერალური სამსახურის ვიცე–პრეზიდენტს შეხვდა2019-05-21 19:01:43

დონალდ ტრამპი მწვანე ბარათის გათამაშების შეჩერების ინიციატივით გამოდის

ეგვიპტეში ავტობუსის და სატვირთო მანქანის შეჯახების შედეგად 14 ადამიანი დაიღუპა

ევაკუაცია ლონდონის მეტროში

26.02.2019

21:56

ინტერვიუ მსოფლიოს საუკეთესო მასწავლებლობის კანდიდატთან

ლადო აფხაზავა ლანჩხუთის მუნიციპალიტეტის სოფელ ჩიბათის საჯარო სკოლაში სამოქალაქო განათლებას ასწავლის. ის 2019 წლის "მასწავლებლის გლობალური ჯილდოს“ ფინალში, მსოფლიოს 10 საუკეთესო მასწავლებელს შორის მოხვდა. ფინალისტები 179 ქვეყნის 10 000 განაცხადიდან შეირჩა. გამარჯვებული 24 მარტს დუბაიში გამოვლინდება. ჯილდო 1 მილიონი დოლარია, რომელიც გადაეცემა გამორჩეულ მასწავლებელს პროფესიაში განსაკუთრებული წვლილის შეტანისათვის. ლადო აფხაზავამ გადაცემა „იმედი LIVE“-ს წამყვანებს ესაუბრა.

თეონა გეგელია: ჯერ გახდით წლის საუკეთესო მასწავლებელი საქართველოში, ახლა „მასწავლებლის გლობალური ჯილდოს“ ერთ-ერთი კანდიდატი ხართ. მსოფლიოს ათეულში მოხვედრა ძალიან ბევრს ნიშნავს. თქვენი აზრით, რით მიიქციეთ ასეთი ყურადღება, რადგან 179 ქვეყნის 10 000 განაცხადიდან ათეულში ღმოჩნდით?

ლადო აფხაზავა: საქართველოში პედაგოგიკა, ეს პროფესია პოპულარული არ არის. ძალიან ბევრ ახალგაზრდას რომ შეეკითხოთ, გახდები თუ არა პედაგოგი, იტყვის, რომ - არა. არ არის პოპულარული ეს საქმე. აქიდან გამომდინარე ამ პროფესიას პოპულარიზაცია სჭირდება, როგორც საქართველოში, ასევე საზღვარგარეთაც. არის ასეთი, „ვარკის ფონდი“, რომელმაც გადაწყვიტა, რომ ამ პროფესიის პოპულარიცაზიისთვის შეექმნა კარგი პროექტი, Global Teacher Prize - ასეთ დასახელების და სხვადასხვა ქვეყანა ჩაერთო. მაგალითად, საქართველოში შეიქმნა 17 არასამთავრობო ორგანიზაციის კოალიცია, რომელსაც დაერქვა „განათლება ყველასათვის საქართველოში“, რომლის დამფუძნებელია ირინა ხანთაძე, დირექტორი - გიორგი ჭანტურია. ეს 17 არასამთავრობო ორგანიზაცია ცდილობს ყოველწლიურად გამოავლინოს განსაკუთრებული მასწავლებელი. ცხადდება აპლიკაცია. წელს სწორედ 1-ელ მარტს იწყება აპლიკაციის პრეზენტაცია და კამპანია. 2019 წლის კამპანია იწყება 1-ელ მარტს. 20 მასწავლებელი, რომელიც მასწავლებლის ეროვნული ჯილდოს ათეულშია შესული და დამფუძნებლები ვიწყებთ კამპანიას. მინდა გითხრათ, რომ ძალიან ბევრ რეგიონში ძალიან ბევრ მასწავლებელს ვხვდები წლის განმავლობაში და მე შევძელი, რომ ჩემი კოლეგები მეღიარებინა. როდესაც ადამიანს არ აღიარებ, მაშინ მის გამოცდილებას არ ნერგავ, არ გადაგაქვს შენს საკლასო ოთახში. ასობით და ათასობით მასწავლებელს შევხვდი, ვიცნობ, მათ გაკვეთილებს ვესწრებოდი, მეც ვატარებდი სხვა სკოლებში გაკვეთილებს. მათ ეგონათ, რომ აუ, ლადო აფხაზავა მოვიდა, რაღაც განსაკუთრებულს გააკეთებს, მაგრამ ისინიც იყვნენ განსაკუთრებულები, იმათ კარგ აქტივობებს რაღაცები დავუმატე, რაღაც კიდევ შევმატე და ჩემს საკლასო ოთახში დავნერგე. საერთოდ არ არსებობდა მასწავლებლის ეროვნული ჯილდო, მაგრამ საჩხერეში მაია ტყემალაძის გაკვეთილებს ვესწრებოდი, ის ინგლისურის მასწავლებელია და მისგან მომქონდა ბევრი რამ. სხვადასხვა რეგიონში ძალიან ბევრ მასწავლებელს ვესწრებოდი, ვთანამშრომლობდი მათთან და შევძელი მათი აღიარება და დანერგვა. ალბათ ეს მსოფლიომ დამიფასა.

გურამ ნიკოლაშვილი: როგორც აღნიშნეთ, ძალიან მჭიდროდ თანამშრომლობთ სხვა მასწავლებლებთან, ამ ურთიერთობაში ხართ ჩართული და თქვენი მონაყოლიდან იკვეთება როგორი აქტიურია პედაგოგის, თქვენი და თქვენი კოლეგების ცხოვრება. თუმცა ფართო მედიის ყურადღება ამან უფრო იმით მიიპყრო, რომ უნდა ჩატარდეს მსოფლიო მასწავლებელთა შეჯიბრება, უნდა გახვიდეთ რაღაც საპრიზო ადგილზე, რომ მერე ყურადღება მიიქციოთ. მე მიმაჩნია, რომ ეს არ არის მთავარი, ამის გარეშეც უნდა იყოს სათანადო შესაძლებლობა, ინფრასტრუქტურა, ხელშეწყობა იმისათვის, რომ პედაგოგიკა გახდეს პოპულარული. იმიტომ რომ, საქმე ეხება ბავშვებს, საქმე ეხება მომავალ თაობას, განათლებას და კარგ მოქალაქედ ჩამოყალიბებას. 24 მარტს უნდა ჩატარდეს ხო ფინალი?! როგორი შედეგითაც არ უნდა დამთავრდეს ის, მიმაჩნია, რომ მთავარი შედეგი უკვე მიღწეულია, იმიტომ რომ, ყურადღება არის მიქცეული და ეს არის მთავარი. გვერდზე რომ გადავდოთ ეს ჯილდოც, რა არის თქვენი აზრით მთავარი, რაში გჭირდებათ ხელშეწყობა, არა მარტო თქვენ, არამედ მთლიანად ამ დარგს, რასაც პედაგოგები ჰქვია, საზოგადოების და სახელმწიფოს მხრიდან?          

ლადო აფხაზავა: მე ვფიქრობ, რომ პირველ რიგში, პედაგოგს დაფასება და მხარდაჭერა სჭირდება თუნდაც ხელფასის გაზრდით.

თეონა გეგელია: კი, ეს არის პრობლემა...

ლადო აფხაზავა: რეგიონებში მასწავლებლებს ძალიან უჭირთ. მათ მცირე შემოსავლები აქვთ. ამ ყველაფერს მოსწავლეები ხედავენ, რომ მასწავლებელს თუნდაც სეზონური ტანსაცმელი არ აქვს, ფეხსაცმელიც არ აქვს. იყო მომენტები, როცა ზამთარში ცალ ფეხს მონგრეულად ვდებდი, იმიტომ რომ, ერთ მხარეს გახეული იყო ჩემი ფეხსაცმელი და არ მინდოდა ბავშვებს დაენახათ. მაინც ამჩნევდნენ, ტყუილად ვმალავდი. მასწავლებლებს ამითაც სჭირდებათ დახმარება, მატერიალური დახმარება. ხელფასების ზრდა უნდა დაიწყოს. მომავალი არის განათლებაში და სახელმწიფომ ქვეყნის პრიორიტეტად უნდა აქციოს განათლება. ამ დარგში ბევრი თანხა უნდა ჩაიდოს.

გურამ ნიკოლაშვილი: ეს ძალიან მნიშვნელოვანი საკითხია, რაზეც წლებია არის საუბარი. მე არ მიმაჩნია, რომ ერთადერთი პრობლემაა ფინანსების ნაკლებობა. გეთანხმებით, რომ ეს არის ნომერი ერთი პრობლემა, მაგრამ არა ერთადერთი. ჩვენ გვყავს პედაგოგების რაღაც ნაწილი, რომელიც, როგორც თქვენ აღწერეთ, ძალიან ყურადღებით ეკიდება და სახალისო პროცესს ქმნის საკლასო ოთახში, მაგრამ არის პედაგოგების ნაწილი, რომელთაგან ახალს ვერაფერს იგებ, რომლებთანაც ურთიერთობა ბავშვებისთვის რთულია. ეს მე თვითონ მინახავს და არა გურიის ან სხვა რომელიმე რეგიონის, არამედ თბილისის ეგრეთ წოდებულ პრესტიჟულ სკოლებშიც - მასწავლებლები, რომლებიც საერთოდ არ არიან საკლასო ოთახში შესაშვებები. ამიტომ არ მიმაჩნია, რომ ასე უბრალოდ უნდა გაიზარდოს ეს თანხები. ამის პარალელურად საჭიროა პროცესი, რომლითაც მოხდება პედაგოგების გადაკვალიფიცირება, მათ განათლებაში გარკვეული ინვესტიციის ჩადება. თქვენ როგორ უყურებთ ამ საკითხს და როგორ მიგაჩნიათ, ეს როგორ უნდა მოხდეს?

ლადო აფხაზავა: მე განათლების პოლიტიკის დამგეგმავი არ ვარ, ერთი უბრალო რიგითი მასწავლებელი ვარ. მე მიმაჩნია, რომ განათლების სამინისტრომ რატომღაც კარგი ძვრები დაიწყო ამ კუთხით. საზოგადოება მაინცდამაინც იმაზე აკეთებს აპელირებას, რომ გამოცდები მოხსნა, მაგრამ კიდევ რაღაცეები იგეგმება, რომელიც მარტო განათლების სამინისტროს არ გადაუწყვეტია. იქ კვლევები ჩატარდა, სპეციალისტები ჰყავდათ მოყვანილი, ამიტომ უნდა ვაცადოთ. ვფიქრობ რომ განათლების სამინისტრო ყველაზე ცხელ წერტილში იმყოფება ამჯერად. იმიტომ რომ, ყველაზე დიდი მოლოდინია და ყველა რაღაცნაირად ყურადღებით უყურებს ამას. მართლაც ასე უნდა იყოს, იმიტომ რომ, მომავალი არის განათლებაში და ჩვენ გვჭირდება სტაბილური, მდგრადი განათლების სისტემა, რომელიც ძალიან ხშირად არ შეიცვლება. მინისტრების ასეთი ხშირი შეცვლა იყო ყველაზე ცუდი რამ სტაბილურობის თვალსაზრისით. ყველა მინისტრი თავის პოლიტიკას ატარებს. არის სხვადასხვა ქვეყნის გამოცდილება, ოპოზიცია, პოზიცია თანხმდება ერთ რაღაცაზე და ერთად მსჯელობენ, რომ განათლება არ შეიცვალოს.   

გურამ ნიკოლაშვილი: ხო, თანაბრად იყოს პასუხისმგებლობა აღებული, დაიგეგმოს ერთიანი პოლიტიკა და თუ პოლიტიკური მმართველობა შეიცვლება, ეს მაინცდამაინც ნუ შეეხება განათლების რეფორმას.  

ლადო აფხაზავა: კი, ასე უნდა იყოს.

თეონა გეგელია: თქვენ ხართ, სამოქალაქო განათლების მასწავლებელი და საკმაოდ განსხვავებული სტილი გაქვთ გაკვეთილების ჩატარების, იგივე ხმაური გაკვეთილებზე. დიდი ხანია სკოლასთან  შეხება არ მქონია, მაგრამ, როგორც ვიცი ძველი საბჭოთა ტრადიციები ჯერ კიდევ შემორჩენილია და ამ ტიპის გაკვეთილები დღემდე ითვლება ნოვაციად, თამამ ნაბიჯად. ამას როგორ უყურებენ თქვენი კოლეგები? გასაგებია, რომ თქვენ ბევრ მაგალითს იღებთ მათგან, მაგრამ თქვენი მაგალითი თუა სხვებისთვის გადამდები?      

ლადო აფხაზავა: ცოტა დრო დაგვჭირდა იმისთვის, რომ ჩემი კოლეგებიც წამომყოლოდნენ. პირველად ისინი მეუბნებოდნენ, რომ ლადო, შენ სტანდარტი, საგანი გიწყობს ხელს, სამოქალაქო განათლება.

თეონა გეგელია: მოკლედ რომ გვითხრათ, კონკრეტულად რას ასწავლით  ბავშვებს?

ლადო აფხაზავა: ვასწავლი მონაწილეობას, ქვეყნის მართვას, დემოკრატიულ პროცესებში ჩართვას, სამოქალაქო ცნობიერების, სამოქალაქო საზოგადოების ჩამოყალიბებას.

თეონა გეგელია: მოსწონთ ბავშვებს?

ლადო აფხაზავა: ძალიან მოსწონთ. ამაში ძალიან დიდი როლი შეასრულა სამოქალაქო განათლების პროგრამამ. მას USAID-ი აფინანსებს, პროგრამის დირექტორი მარინა უშველიძეა. ამ პროგრამის ბენეფიციარიც ვიყავი. კოლეგებთან კარგმა თანამშრობლობამ ის შედეგი გამოიღო, რომ ჩემი კოლეგებიც მსგავსად აკეთებენ. მაგალითად, არაჩვეულებრივი მასწავლებელი გვყავს მათემატიკის, ბიძინა გოგლაძე, რომელმაც მითხრა, რომ მეც მინდა, რომ ასეთი გაკვეთილები ჩავატარო.

თეონა გეგელია: ასეთ ტრადიციულ საგანში?

ლადო აფხაზავა: ხო, მითხრა, რომ მათემატიკაში მინდა ბავშვები გარეთ გავიყვანო. შემდეგ ხეების გაზომვა დავიწყეთ. სარკით იზომება, წყლის გუბითაც იზომება. შემდეგ ამ მანძილებს ზომავენ, ფორმულაში სვამენ და ბავშვები უკვე მთელი თვე ეზოში არიან, მინდორზე წერენ.

თეონა გეგელია: ამინდებიც გიწყობთ ხელს?

გურამ ნიკოლაშვილი: მთავარია არა რას ასწავლი, არამედ როგორ ასწავლი. ინტერნეტში ხდება ძალიან პოპულარული, როცა თუნდაც არაქართველმა მასწავლებლებმა მიმართეს მაგალითად, დისტანციური სწავლების მეთოდს და ძალიან საინტერესო გაკვეთილები გააკეთეს, რომელიც იყო გათვლილი სკოლის მოსწავლეებზე, მაგრამ ეს იმდენად პოპულარული აღმოჩნდა, იმიტომ რომ, საინტერესო მეთოდით არის ახსნილი და მოყოლილი ფიზიკა, მათემატიკა, ქიმია, რომ ძალიან ბევრი ადამიანის ყურადღებას იპყრობს და ძალიან სახალისოა. დღეს თანამედროვე ტექნოლოგიები დიდ როლს თამაშობს განათლების ხელმისაწვდომობაში, ახალი ამბის გაგებაში, მაგრამ ჩვენ ვართ ღარიბი ქვეყანა და კიდევ უფრო დიდია სიღარიბე რეგიონებში. როგორ მიგაჩნიათ, შესაძლებელია თუ არა რეგიონში კონკურენტუნარიანობა გაიზარდოს, შესაძლებელია თუ არა დღევანდელი რესურსებით, ეფექტიანი მმართველობით შეიქმნას ისეთი პირობა, რომ ეს კონკურენტუნარიანობა გათანაბრდეს და სოფლად მცხოვრები ბავშვები იყვნენ იგივენაირნი, როგორებიც ქალაქში მცხოვრებები, ან საზღვარგარეთ კარგ ქვეყნებში მცხოვრები ბავშვები?

ლადო აფხაზავა: თბილისში უფრო მეტი რესურსი აქვს სკოლას. მაგალითად, თბილისის სკოლებში რომ დავდივარ, მასწავლებელი შემოდის სამასწავლებლოში და ხელმძღვანელობას ეუბნება, რომ რესურსები უნდა გაიტანოს. იმდენი რაღაც გაიტანეს საკლასო ოთახში, რომ ცრემლები წამომივიდა. იმიტომ რომ, ამის შესაძლებლობა ჩვენ მუნიციპალიტეტებში არ გვაქვს. მაგალითად, ჩემი სკოლა რომ არ დაზარალდეს, ხშირად სანაგვე ურნიდანად კი ამიღია სხვადასხვა რესურსი. ნამდვილად არ მრცხვენია ამის. შეიძლება გადაგდებული ფურცელი სხვა სასწავლო რესურსად გადავაქციო. მაგალითად, სკოლებში ძველი კომუნისტური საინფორმაციო დაფებია, სადაც დირექტორები განცხადებებს აკრავენ. არავინ არ კითხულობს ამას. ჩვენ სკოლის ინფორმირება ძალიან მარტივად მოვახდინეთ. სანაგვე ურნაში ვნახეთ დიდი სკივრი, ბავშვებთან ერთად გავრეცხეთ, ფერები შევძინეთ და სკოლის შემოსასვლელში დავდეთ. 300 ბავშვი ყოველ დღე წევს ამ სკივრის თავს ინტერესით და ყველა ინფორმირებულია. არ უნდათ ის გაკრული, დაბეჭდილი ფურცელი, სხვანაირი ბავშვები არიან.

თეონა გეგელია: თქვენ შეიძლება გაიმარჯვოთ, ეს დიდი ჯილდოა, 1 მილიონი დოლარია...

გურამ ნიკოლაშვილი: ამ დროს ეკითხებიან ტრივიალურად, რაში დახარჯავთ ამ ფულს?

თეონა გეგელია: ამის კითხვასაც ვაპირებდი

ლადო აფხაზავა: გლობალური ჯილდოს აპლიკაციას როცა ავსებს მასწავლებელი, იქ ბოლოს არის ერთი ფანჯარა, სადაც გეკითხებიან, თუ რა პროექტის განხორციელება გინდა, ან რა გაქვს დაგეგმილი...

თეონა გეგელია: შეგიძლიათ გვითხრათ რა ჩაწერეთ იქ?

ლადო აფხაზავა: მილიონი დოლარი პატარა თანხა არ არის, მით უფრო ჩემი რეგიონისთვის, გურიისთვის. მე ვაპირებ მაგალითად, ჩემს მუნიციპალიტეტში მოვაწყო სამზარეულო, კაფეტერიები სკოლებში, რასაც ბევრი სკოლა ვერ აკეთებს, რადგან გამდინარე წყალი სჭირდება ამას და ზოგადად ბევრი სტანდარტია. დირექტორს უჭირს ამ ყველაფრის დაცვა. ამიტომ ამ ყველაფერში დავეხმარები. ასევე, მნიშვნელოვანია სოფელში ბავშვი ეკოლოგიურ წიგნიერებაში იყოს. სასათბურე მეურნეობას შევქმნით, რომ ბავშვმა ისწავლოს ძველი მეთოდით როგორ დააფესვიანოს, დააკალმოს მცენარეები...

გურამ ნიკოლაშვილი: ახალი მეთოდითაც საინტერესო იქნება.

ლადო აფხაზავა: ახალი მეთოდით ხსნარებს იყენებენ და ბავშვებთან ხსნარების, ქიმიური შენაერთების შეტანა არ მინდა. ჩვენ სკოლაში გვაქვს სასათბურე მეურნეობა. ჩემი მოსწავლეები წავიყვანე და ვიარეთ სოფელში, ასაკოვან ადამიანებს დავეკითხეთ, ბავშვები იწერდნენ, თუ როგორ აკალმებდნენ, აფესვიანებდნენ მცენარეებს. ვისწავლეთ მეთოდი, კალამი ცოტა გვერდულად უნდა ჩავარჭოთ. ყველაფერი იციან ბავშვებმა.

თეონა გეგელია: მეც მომინდა მოსწავლეობა...

ლადო აფხაზავა: ასევე სტუდენტებს დავეხმარები, რაიონში ვიცნობ რამდენიმეს, ვისაც სტუდენტობა შეუჩერდა გადასახადის გადაუხდელობის გამო. არ ვგულისხმობ ისეთ სტუდენტს, რომელიც საერთოდ არ დადის უმაღლესში და ამიტომ გამოუშვეს.

თეონა: გასაგებია, გულისხმობთ იმათ, ვისაც სწავლა უნდა, მაგრამ შესაძლებლობა არ აქვს. მე გისურვებთ წარმატებას, რა თქმა უნდა გამარჯვებას. 24 მარტს დუბაიში არის ფინალი...

ლადო აფხაზავა: ჩვეულებრივი 10 მასწავლებელი არის წარმოდგენილი. მე ჩემი ფავორიტი მყავს უკვე. როგორც მასწავლებლის ეროვნულ ჯილდოზე მყავდა ფავორიტი, სვანეთის წარმომადგენელი ეკა წულუკიძე, ფავორიტი იქაც მყავს.

თეონა გეგელია: ვინ არის?

ლადო აფხაზავა: ეს არის ინდოეთის წარმომადგენელი, სამწუხაროდ სახელი ვერ დავიმახსოვრე...

თეონა გეგელია: ჩვენ გვინდა ჩვენმა გაიმარჯვოს. თქვენ მას უგულშემატკივრეთ, ჩვენ თქვენ გიგულშემატკივრებთ.

 

წყარო / სტატიის ავტორი

newstimes.ge

სხვა სიახლეები

05.04.2016

20:29

„ონლაინ საკრედიტო კომპანიები საზოგადოებაში სულ უფრო და უფრო მეტად აღიქმებიან, როგორც „მინი მევახშეები“

ბოლო რამოდენიმე წელია, ონლაინ საკრედიტო ორგანიზაციებმა აქტიური პიარ და მარკეტინგული კამპანიით ქვეყნის მოსახლეობის აბსოლუტური უმრავლესობა მოიცვეს. თუ გავითვალისწინებთ იმ ფაქტს, რომ დღეს საქართველოში, შრომისუნარიანი მოქალაქეების უმეტესი ნაწილი უკიდურეს სიღარიბეში იმყოფება, სავსებით ბუნებრივია, რომ ონლ...

08.01.2016

15:53

„საქართველოს მარტო დატოვება რუსეთის საფრთხის წინაშე დასავლეთის უპატიებელი შეცდომა იქნება“

7 წელი გავიდა მას შემდეგ, რაც საქართველომ ალიანსის მომავალი წევრობისთვის ნატოს წევრი ქვეყნების მხარდაჭერა მოიპოვა. საქართველო „ალიანსის ერთ-ერთი ყველაზე გამორჩეული, სანდო და პატივსაცემი პარტნიორია“, თუმცა მას ჯერ კიდევ არ აქვს მკაფიოდ განსაზღვრული სახელმძღვანელო ნატოში გაწევრიანებისთვის სამოქმედო გე...

24.11.2015

13:07

ზურაბ აბაშიძე: "ჩვენი ოპონენტები ხშირად მთხოვენ, რუსული ვიზების აღებაში დავეხმარო"

პრაღაში რუსეთთან ურთიერთობის დარეგულირების საკითხებში საქართველოს პრემიერ-მინისტრის სპეციალური წარმომად­გენლის, ზურაბ აბაშიძისა და რუსეთის საგარეო საქმეთა მინისტრის მოადგილის, გრიგორი კარასინის მორიგი შეხვ­ედრის მთავარი საკითხი სავიზო ლიბერალ­იზაცია იყო. დეტალებზე ზურაბ აბაშიძე საუბრობს:...

28.10.2015

17:58

თინა ხიდაშელი : "დგება წუთები და მომენტები, როდესაც ჩვენ ყველა ერთი მიზნის სამსახურში უნდა ვიდგეთ"

თავდაცვის მინისტრთან ინტერვიუ ტელეკომპანია აჭარას ჟურნალისტმა გიორგი წეროძემ ჩაწერა....

22.09.2015

12:28

თავდაცვის მინისტრის ინტერვიუ BBC-ის გადაცემაში „HARDtalk“.

დიდი ბრიტანეთისა და ჩრდილოეთ ირლანდიის გაერთიანებულ სამეფოში ვიზიტად მყოფმა საქართველოს თავდაცვის მინისტრმა მონაწილეობა მიიღო BBC-ის გადაცემაში „HARDtalk“...

31.08.2015

16:44

ნიკოლოზ ვაშაკიძე: "არ მინდა ქვეყანაში მოვლენები რევოლუციური გზით განვითარდეს"

ქართულ მედიაში მიმდინარე პროცესებსა და ქვეყანაში სიტყვის თავისუფლების შეზღუდვის შედეგად, მოვლენების შესაძლო განვითარებაზე „ჯი-ეიჩ-ენი“ საგარეო საქმეთა მინისტრის ყოფილ მოადგილეს, კონსტიტუციონალისტს ნიკოლოზ ვაშაკიძეს ესაუბრა....

02.07.2015

11:38

თინა ხიდაშელი: „პუტინი უკრაინით არ დაკმაყოფილდება“

თინათინ ხიდაშელი პირველი ქალი თავდაცვის მინისტრია საქართველოდან რომელიც გვაფრთხილებს, რომ მეზობელი ქვეყნების წინააღმდეგ რუსული აგრესია კვლავ გაგრძელდება, თუ ამას დასავლეთი წინ არ აღუდგება. 42 წლის იურისტი საქართველოს თავდაცვის სამინისტროს მიმდინარე წლის მაისიდან ხელმძღვანელობს. წარსულში ის ადამიანის...

23.06.2015

17:33

ზაალ ანჯაფარიძე: "სიტყვაზე ნდობა კრიზისების მართვის დროს არ შეიძლება"

13-14 ივნისს თბილისში დატრიალებული ტრაგედიის პირობებში ერთი მხრივ ხელისუფლების, ხოლო მეორე მხრივ, პოლიტიკური სპექტრის, საზოგადოებისა და ახალგაზრდობის რეაქციაზე, ასევე, შეძლებენ თუ არა ხელისუფლება და საზოგადოება მომხდარი უბედურებისგან სწორი დასკვნების გამოტანას, "ინტერპრესნიუსი" დამოუკიდებელ ექსპერტს...