ირაკლი კობახიძე: სისტემას აქვს ორი მიზანი - სტაბილურობა და პლურალიზმი2020-06-04 19:34:29

დახურულ საჯარო სივრცეში პირბადის ტარების წესის დარღვევისთვის ფიზიკური პირი 50 ლარით დაჯარიმდება2020-06-04 19:28:04

ირაკლი კობახიძე: არსებითად პროპორციული საარჩევნო სისტემა არის უკეთესი ჩვენი ქვეყმის სტაბილური დემოკრატიული განვითარებისთვის2020-06-04 19:24:38

თერჯოლის „ცხელების ცენტრის“ ორ პაციენტს კორონავირუსი არ დაუდასტურდა2020-06-04 18:34:50

ანრი ოხანაშვილი: ბუჯეტიდან 6 მლნ ლარის გადახდა მოგვიწია 2012 წლამდე ჩადენილი დარღვევების გამო2020-06-04 18:23:12

ესპანეთი პირველი ივლისიდან უცხოელებისთვის სავალდებულო კარანტინს აუქმებს

გასულ 24 საათში რუსეთში „კოვიდ-19“-ის 8946 ახალი შემთხვევა გამოვლინდა

დიდ ბრიტანეთში ჩასულ მოგზაურებს 14-დღიანი კარანტინის გავლა მოუწევთ

18.03.2019

18:35

საქართველოს პარლამენტის იაპონიასთან მეგობრობის ჯგუფის წევრები იაპონიაში საქართველო-იაპონიის ბიზნესფორუმში მონაწილეობდნენ

საქართველოს პარლამენტის იაპონიასთან მეგობრობის ჯგუფის წევრები გელა სამხარაული, გოჩა ენუქიძე და დავით სონღულაშვილი ტოკიოში, საქართველო-იაპონიის ბიზნესფორუმზე იმყოფებოდნენ. 

ფორუმის მონაწილე 150 კომპანიას შორის, ქართული 30-მდე კომპანია იყო წარმოდგენილი.

მასშტაბურ ღონისძიებაზე ყურადღება იაპონია-საქართველოს პოლიტიკურ კავშირებზე გამახვილდა და აღინიშნა, რომ ეს დამოკიდებულება ეკონომიკურ ურთიერთობებში უნდა გადაიზარდოს.

ბიზნესფორუმის ფარგლებში, ვაჭრობის განვითარებისა და ინვესტიციების სფეროში თანამშრომლობის მიზნით, იაპონურ მხარესთან ექსპორტისა და ინვესტიციების დაზღვევის შესახებ შეთანხმება გაფორმდა, რომელსაც საქართველოს ეკონომიკისა და მდგრადი განვითარების მინისტრმა გიორგი ქობულიამ და ნიპონის ექსპორტისა და ინვესტიციების სადაზღვევო კომპანიის (NEXI) პრეზიდენტმა მასაფუმი ნაკადამ მოაწერეს ხელი. აღინიშნა, რომ ორმხრივი შეთანხმება საქართველოში იაპონური ინვესტიციების ზრდის მნიშვნელოვანი წინაპირობა გახდება.

ბიზნესფორუმის ფარგლებში, იაპონიის დედაქალაქ ტოკიოში, ქართული ღვინის კულტურისა და ისტორიისადმი მიძღვნილი გამოფენა - „საქართველო - ღვინის სამშობლო“ გაიხსნა, რომელსაც პარლამენტის წევრები გელა სამხარაული, გოჩა ენუქიძე და დავით სონღულაშვილი დაესწრნენ.

გამოფენამ, რომელიც საქართველოს პრემიერ-მინისტრმა მამუკა ბახტაძემ გახსნა, ქართული ღვინის მრავალსაუკუნოვანი კულტურის წარმოჩენის მიზნით, უნიკალური არქეოლოგიური ექსპონატები და თანამედროვე ტექნოლოგიები გააერთიანა. პროექტის ფარგლებში, იაპონელი პარტნიორების მიერ, უახლესი ტექნოლოგიების გამოყენებით, ქართული კულტურისა და ღვინის ისტორიის გაცოცხლებამ, დამთვალიერებელს უძველესი ღვინის სამშობლოში ინტერაქციული მოგზაურობის საშუალება მისცა.

პროექტი - „საქართველო - ღვინის სამშობლო“, გამოფენასთან ერთად, ქართული ღვინის წარმოშობისა და უნიკალურობის შესახებ, მსოფლიოში ცნობილი სპეციალისტების სემინარებს, დეგუსტაციებს, „ქართული სუფრის" მასტერკლასებსა და კულტურულ პროგრამას მოიცავს. ქართული ღვინის კულტურისა და ისტორიისადმი მიძღვნილი ექსპოზიცია ტოკიოში, საგამოფენო ცენტრ Terrada Warehouse-ში, საქართველოს მთავრობის ინიციატივით, ღვინის ეროვნული სააგენტოსა და ასოციაცია „ქართული ღვინის" ორგანიზებით, გარემოს დაცვისა და სოფლის მეურნეობის სამინისტროს, „საქპატენტის" და ეროვნული მუზეუმის მხარდაჭერით, მსოფლიოში უმსხვილესი კომპანიის Sony music communication-ისა და კომპანია TOPPAN-ის პარტნიორობით იმართება და 7 მაისამდე გაგრძელდება.

პროექტის - „საქართველო - ღვინის სამშობლო" განხორციელება 2017 წელს, საფრანგეთის ქალაქ ბორდოში, ღვინის მსოფლიო ცივილიზაციის ცენტრიდან დაიწყო და მეცნიერულ კვლევას მიეძღვნა, რომლის შედეგად, სამეცნიერო საზოგადოებამ საქართველო ღვინის სამშობლოდ აღიარა.

საქართველოს პარლამენტის იაპონიასთან მეგობრობის ჯგუფის წევრები გელა სამხარაული, გოჩა ენუქიძე და დავით სონღულაშვილი, საქართველოს პრემიერ-მინისტრ მამუკა ბახტაძესთან ერთად, იაპონიის წარმომადგენელთა პალატის დეპუტატს, იაპონია-საქართველოს საპარლამენტო მეგობრობის ჯგუფის თავჯდომარე იჩირო აისავას და მეგობრობის ჯგუფის გენერალურ მდივან იასუტოში ნიშიმურას შეხვდნენ.

შეხვედრაზე საუბარი ორი ქვეყნის პოლიტიკურ-ეკონომიკური ურთიერთობების განვითარებას და თანამშრომლობის გაღრმავებას შეეხო. შეხვედრაზე ყურადღება ამასთანავე განათლების სფეროში ერთობლივი პროექტების განხორციელებასა და იაპონიის გამოცდილების გაზიარებაზე გამახვილდა. ხაზგასმით აღინიშნა სავაჭრო-ეკონომიკური კავშირების გაღრმავების მნიშვნელობა და ტურიზმის სფეროში არსებული პოტენციალის განვითარების აუცილებლობა. იაპონური მხარის შეფასებით, ამ პროცესს უდავოდ შეუწყობს ხელს ერთობლივი ბიზნესფორუმი, რომელსაც ტოკიო მასპინძლობს.

შეხვედრაზე განსაკუთრებულად აღინიშნა ასევე გამოფენის - "საქართველო - ღვინის სამშობლო" - მნიშვნელობა, რომელიც იაპონიაში ქართული ღვინის ცნობადობის გაზრდას შეუწყობს ხელს.

წყარო / სტატიის ავტორი

newstimes.ge

სხვა სიახლეები

29.05.2020

16:00

ზოგადი რეკომენდაციები სავაჭრო მოლებისა და ცენტრებისთვის

სავაჭრო მოლებისა და სავაჭრო ცენტრებისთვის ახალი კორონავირუსით გამოწვეულ ინფექციასთან (COVID-19) დაკავშირებული ზოგადი რეკომენდაციები გამოქვეყნდა. ...

28.05.2020

19:45

პრემიერ-მინისტრმა დეველოპერული სექტორის მხარდაჭერის ანტიკრიზისული გეგმა წარადგინა

ეპიდემიოლოგიურად ჩვენი წარმატებები ვირუსის კონტროლის თვალსაზრისით საერთოდ დაკარგავს ყველანაირ აზრს და ფასს, თუ ჩვენ ეკონომიკა ეტაპობრივად, ნელ-ნელა არ გავხსენით, - ამის შესახებ საქართველოს პრემიერ-მინისტრმა გიორგი გახარიამ დეველოპერული სექტორის მხარდაჭერის ანტიკრიზისული გეგმის წარდგენისას განაცხადა....

21.05.2020

13:30

ნინო წილოსანი: ეს არის შეღავათი იმისთვის, რომ ბიზნესმა შეინარჩუნოს სამუშაო ადგილები, ნაკლები ადამიანი გაუშვას სახლში რთული ეკონომიკური კრიზისის პირობებში და ამ ადამიანებმა არ დაკარგონ ელემენტარული საარსებო საშუალება

ადამიანებს, ფაქტობრივად, პროფესიად ექცათ ოპონირება, მაშინ როდესაც ოპონირების ერთ-ერთი აუცილებელი პირობაა საერთო სურათის დანახვა, თქვენს მიერ წარმოთქმული კითხვები კი, რატომ 6 თვით და უფრო მეტი არა, რატომ არაპირდაპირი დახმარება დასაქმებულზე, რატომ ეხმარებით ბიზნესს და აძლევთ შეღავათს, არის ამოგლეჯილი ...

21.05.2020

12:09

ივანე მაჭავარიანი დამსაქმებლებს მოუწოდებს დასაქმებულის შესახებ ინფორმაცია წარადგინონ

ფინანსთა მინისტრი ვანო მაჭავარიანი კიდევ ერთხელ განმარტავს, ვის ეხება სახელმწიფოს მიერ განსაზღვრული 1200 ლარიანი კომპენსაცია და რომელ თანამშრომლებზე უნდა წარადგინოს კომპანიამ ინფორმაცია, რათა მათ აღნიშნული დახმარება მიიღონ....

19.05.2020

14:01

გიორგი გახარია - ჩვენს კონკურენტულ უპირატესობებს, როგორიცაა ჩვენი ისტორია, მეღვინეობის 8000 წლიანი ისტორია, ძეგლები, სამზარეულო, უნდა დავამატოთ, რომ საქართველო ეფექტურად მართავს ვირუსის რისკებს

ერთ რამეს უნდა შევეგუოთ, რომ სამწუხაროდ ამ ვირუსთან ერთად ცხოვრება მოგვიწევს როგორც ჩანს გაურკვეველი ვადით, შესაძლოა ეს იყოს რამდენიმე თვე ან წელი. ჩვენ ყველაზე ცუდი სცენარისთვის უნდა მოვემზადოთ და უნდა გვესმოდეს, რომ ჩვენი კონკურენტული უპირატესობა, როგორც ტურისტული ქვეყნის უნდა გაძლიერდეს, – ამის შ...

04.05.2020

18:37

კონკურენციის სააგენტომ 2019 წელს კომპანიების მიერ დაგეგმილ ოთხ კონცენტრაციაზე გასცა თანხმობა

კონკურენციის სააგენტოს ანგარიშის მიხედვით, კომპანიების მოსალოდნელი კონცენტრაციის შესახებ, 2019 წელს, სხვა წლებთან შედარებით, ყველაზე მეტი შეტყობინება დაფიქსირდა....

01.05.2020

19:43

თამილა ბარკალაია - მოვუწოდებ ბიზნესსექტორს, დროულად გაეცნონ ეკონომიკური საქმიანობის გახსნის ეტაპებს, ჯანდაცვის სამინისტროს რეკომენდაციებს და გააკეთონ განაცხადი შემოწმებაზე

მოვუწოდებ ბიზნესსექტორს, დროულად გაეცნონ ეკონომიკური საქმიანობის გახსნის ეტაპებს, ჯანდაცვის სამინისტროს რეკომენდაციებს და გააკეთონ განაცხადი შემოწმებაზე, – ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ, თამილა ბარკალაიამ გ...

25.04.2020

20:49

ბექა ლილუაშვილი - დამსაქმებლისთვის სახელმწიფო სუბსიდია შენარჩუნებულ სამუშაო ადგილებზე სარგებელს აძლევს დასაქმებულებსაც და ბიზნესს აძლევს საშუალებას, რომ ეს ადამიანები სამსახურიდან არ გაუშვას

ბიზნესისთვის საშემოსავლო გადასახადში შეღავათის გაკეთება თითოეულ დასაქმებულთან დაკავშირებით ყოველთვიურ ხარჯს მაქსიმალურად შეამცირებს და კომპანიებს საშუალებას მისცემს ადამიანებს სამსახური შეუნარჩუნონ,- ამის შესახებ პრემიერ-მინისტრის მრჩეველმა ეკონომიკურ საკითხებში ბექა ლილუაშვილმა ტელეკომპანია „იმედ...

22.04.2020

15:20

ბაზრის კონცენტრაციის მაჩვენებელი შემცირებულია – კონკურენციის სააგენტომ ჩვილ ბავშვთა კვების ბაზრის მონიტორინგი დაასრულა

საქართველოს კონკურენციის სააგენტომ ჩვილ ბავშვთა კვების ბაზრის მონიტორინგი დაასრულა. შესასწავლი პერიოდი მოიცავდა 2014-2019 წლებს....

22.04.2020

15:17

„სმარტმა“ მომხმარებელთა თერმო სკრინინგი დაიწყო

განახლებული ფორმატის „სმარტმა“ თანამშრომლებისა და მომხმარებლების ჯანმრთელობის უსაფრთხოების წესები კიდევ უფრო გაამკაცრა და ყველა სუპერმარკეტში მომხმარებელთა თერმო სკრინინგი დაიწყო. ...